Kristi

Hei! Eg heiter Kristi Bjørhusdal, er 22 år og frå ei lita bygd på Vestlandet. Eg fullførte ein bachelor i samfunnsøkonomi ved NTNU våren 2024, og i staden for å byrje på master med ein gang, valte eg å ta eit semester i Buenos Aires med Kulturstudier.

Etter ein månad i Buenos Aires var eg frelst av byen, og eitt semester vart dermed til to. Mellom dei to semestra har eg brukt tida på å reise i Latin-Amerika med vener, familie og litt aleine, noko som har vore utruleg kult og spennande.

Elles er eg ein aktiv og sosial person. Eg er glad i å trene og spesielt i å springe, ete og lage god mat, lese, vere ute, strikke, vere med vener, og bli kjend med nye menneske. Buenos Aires og Argentina har gjeve meg moglegheit til alt, og eg gledar meg til å dele litt av dette med dykk!